இளையராஜா இசையில் பாடல் வாய்ப்பா? – மதன் கார்க்கி மறுப்பு
இளையராஜா இசையில் பாடல் எழுதும் வாய்ப்பு வந்தால் மகிழ்வேன். ஆனால் இப்போது அப்படி ஒரு சூழல் ஏற்படவில்லை என்று பாடலாசிரியர் மதன் கார்க்கி தெரிவித்துள்ளார். மிஷ்கின் இயக்கும் ஓநாயும் ஆட்டுக்குட்டியும் படத்தில் இளையராஜா இசையில் வைரமுத்து மகன் மதன் கார்க்கி பாடல் எழுதப் போவதாக கடந்த சனிக்கிழமை தகவல் வெளியானது. முன்னணி ஆங்கில நாளிதழில் வெளியான இந்த செய்தியை இளையராஜாவின் பேஸ்புக் பக்கத்திலும் பகிர்ந்திருந்தார்கள்.
எனவே இந்த செய்தி பரபரப்பாக பரவ ஆரம்பித்தது. ஆனால் இப்போது மதன் கார்க்கி இந்த செய்தியை மறுத்துள்ளார். இளையராஜா இசையில் பாடல் எழுதும் வாய்ப்பு வந்தால் மகிழ்வேன். ஆனால் இப்போது அப்படி ஒரு சூழல் ஏற்படவில்லை, என்று அவர் தெரிவித்துள்ளார். இப்போதைக்கு யுவன் சங்கர் ராஜா இசையில் மட்டும் ஒரு படத்தில் பாடல் எழுதுகிறார் மதன் கார்க்கி.
No comments:
Post a Comment