நிமிர்ந்து நில் பிப்ரவரி 28ல் வெளியீடு!

நிமிர்ந்து நில் பிப்ரவரி 28ல் வெளியீடு!

வாசன் விஷுவல் வென்சர்ஸ் தயாரிப்பில், தமிழ் மற்றும் தெலுங்கு ஆகிய இரண்டு மொழிகளிலும் ஒரே நேரத்தில் உருவாகியிருக்கும் திரைப்படம் நிமிர்ந்து நில்.

இதில் தமிழில் ஜெயம் ரவி - அமலா பால் நடித்துள்ளனர். இவர்களுடன் நாசர், சரத்குமார், சூரி மற்றும் பலரும் நடித்திருக்கின்றனர். தெலுங்கில் ”நான் ஈ” திரைப்படத்தின் நாயகன் நானி நடித்துள்ளார்.

சமுத்திரகனி இயக்கியுள்ள இந்தப் படத்திற்கு ஜி.வி.பிரகாஷ் குமார் இசையமைத்துள்ளார். ‘பெரிதினும் பெரிது கேள்’ என்ற பொருள்படும் படி வித்தியாசமான கதை அமைப்புடன் உருவாகியுள்ள படமாம் இது.

படப்பிடிப்பு அனைத்தும் முடிவடைந்த நிலையில் நிமிர்ந்து நில் படம் தணிக்கைக் குழுவின் பரிந்துரைக்கு அனுப்பப்பட்டது. இந்தப் படத்தை பார்த்த தணிக்கைக் குழு அதிகாரிகள் படத்திற்கு ‘யு’ சான்றிதழ் வழங்கியிருக்கிறார்கள். இப்படம் வருகிற பிப்ரவரி 28ல் வெளியாகலாம் என்று எதிர்பார்க்கப்படுகிறது.