நண்டு ஜெகனின் ‘கனெக்சன்’ விஜய் டிவியில் கேம் ஷோ
சின்னத்திரையில் இருந்து சினிமாவிற்குப் போன நண்டு ஜெகன் மீண்டும் விஜய் டிவியில் கேம்ஷோ ஒன்றை தொகுத்து வழங்குகிறார்.
விஜய் டி.வியில் கடவுள் பாதி மிருகம் பாதி நிகழ்ச்சியின் மூலம் பிரபலமானவர் ஜெகன். அதன் பிறகு கண்ட நாள் முதல் என்ற படத்தின் மூலம் சினிமாவுக்கு வந்தார்.
அயன் படத்தில் சூர்யாவின் நண்பனாக நடித்து பிரபலமானார். பையா, கோ, அம்புலி, மரியான், உள்பட பல படங்களில் நடித்தார். இப்போதும் நான்கு படங்களில் நடித்துக் கொண்டிருக்கிறார். சினிமாவில் பிசியாக இருந்தாலும் மீண்டும் சின்னத்திரைக்கு வந்துள்ளார்.
விஜய் டி.வியில் வருகிற நவம்பர் 10ந் தேதி முதல் ஒளிபரப்பாகி வரும் கனெக்ஷன் என்ற நிகழ்ச்சியை தொகுத்து வழங்குகிறார் ஜெகன். இது சின்னத்திரை கலைஞர்களும் அவர்களின் நண்பர்களும் பங்கேற்கும் கேம் ஷோ.
கனெக்சன் என்று இந்த நிகழ்ச்சிக்கு பெயர் வைத்த காரணத்தை விளக்கினார் தொகுப்பாளர் ஜெகன். முதல் நிகழ்ச்சியில் பாவனா, ஆர்.ஜெ. ஒபிலியா, மாகாபா. ஆனந்த் ஆகிய சின்னத்திரை நட்சத்திர குரூப் பங்கேற்றனர்.
பேட்டி, போட்டி என கலகலப்பாக தயாராகி இருக்கும் நிகழ்ச்சி. ஒவ்வொரு ஞாயிற்றுக் கிழமையும் மதியம் 1 மணிக்கு இந்த நிகழ்ச்சி ஒளிபரப்பாகிறது.
No comments:
Post a Comment