அஜீத்தின் தம்பியான சிறுத்தை சிவாவின் தம்பி
சென்னை: வீரம் படத்தில் அஜீத் தம்பியாக நடிக்கும் பாலா இயக்குனர் சிவாவின் தம்பி ஆவார்.
சிறுத்தை சிவா இயக்கியுள்ள வீரம் படத்தில் அஜீத் குமாருக்கு தம்பியாக விதார்த், சுஹைல், முனிஷ் மற்றும் பாலா ஆகியோர் நடித்துள்ளனர். தம்பி கதாபாத்திரங்களுக்கு நடிகர்களை தேடுகையில் அஜீத் பாலாவின் புகைப்படத்தை பார்த்துவிட்டு இவரையே எடுக்கலாம் என்று சிவாவிடம் தெரிவித்துள்ளார்.
அதற்கு சம்மதம் தெரிவித்த சிவா இந்த பாலா என் சகோதரர் தான் என்று அஜீத்திடம் தெரிவித்துள்ளார். பாலா மலையாள படங்களில் பிசியாக நடித்துக் கொண்டிருக்கிறார் என்பது குறிப்பிடத்தக்கது.
பாலா அன்பு என்ற படம் மூலம் 2003ம் ஆண்டு கோலிவுட்டில் ஹீரோவாக அறிமுகமானார். அதன் பிறகு தமிழ் படங்களில் பெரிதாக ஜொலிக்க முடியாத அவர் மலையாளத்தில் பிசியான நடிகராகிவிட்டார்.
No comments:
Post a Comment