ஜில்லாவுக்கு உலகம் முழுவதும் மொத்தம் 1200 தியேட்டர்கள்- தயாரிப்பாளர் அறிவிப்பு
சென்னை: விஜய் நடித்து நாளை வெளியாகவிருக்கும் ஜில்லா படத்துக்கு உலகெங்கும் 1200 தியேட்டர்கள் ஒப்பந்தம் செய்யப்பட்டுள்ளன.
விஜய் - மோகன்லால் நடித்துள்ள ஜில்லா படத்தை சூப்பர் குட் பிலிம்ஸ் தயாரித்துள்ளது. முதல் முறையாக இந்தப் படத்தில் தயாரிப்பாளர்களாக இணைந்துள்ளார்கள் சவுத்திரியின் மகன்களும் நடிகர்களுமான ஜீவாவும் ஜித்தன் ரமேஷும்.
பொங்கலை முன்னிட்டு நாளை உலகம் முழுவதும் வெளியாகிறது ஜில்லா. தமிழகத்தில் 400 அரங்குகளில் வெளியாகிறது.
கேரளாவில் மோகன்லாலே வெளியிடுகிறார் இந்தப் படத்தை. அங்கு மொத்தம் 300 அரங்குகளில் ஜில்லா வெளியாகிறது.
ஆந்திரா, கர்நாடகா போன்ற மாநிலங்களிலும் ஜில்லா வெளியாகிறது. விஜய் படங்களுக்கு வெளிநாடுகளிலும் வரவேற்பு உள்ளது. எனவே அமெரிக்கா, பிரிட்டன், ஆஸ்திரேலியா, இலங்கை உள்பட 10-க்கும் மேற்பட்ட நாடுகளில் இந்தப் படம் வெளியாகிறது.
மொத்தம் 1200 அரங்குகளில் படம் வெளியாவதாக நேற்று தயாரிப்பாளர் ஆர் பி சவுத்ரி அறிவித்துள்ளார்.
No comments:
Post a Comment