2003ல் தல-தளபதி தீபாவளி, 2014ல் தல-தளபதி பொங்கல்: நெகிழும் சில்வா
சென்னை: 2003ல் தீபாவளிக்கு வெளியான அஜீத், விஜய் படங்களில் துணை ஸ்டண்ட் மாஸ்டராக இருந்த சில்வா தற்போது பொங்கலுக்கு ரிலீஸாகும் வீரம், ஜில்லா ஆகிய படங்களில் ஸ்டண்ட் மாஸ்டராக பணியாற்றியுள்ளார்.
கோலிவுட்டின் பிசியான ஸ்டண்ட் மாஸ்டராக உள்ளவர் சில்வா. அவர் பணியாற்றியுள்ள பிரியாணி இந்த மாதமும், வீரம் மற்றும் ஜில்லா ஆகிய படங்கள் அடுத்த மாதமும் ரிலீஸ் ஆகின்றன.
இந்நிலையில் இது குறித்து சில்வா கூறுகையில்,
10 ஆண்டுகளுக்கு முன்பு அதாவது கடந்த 2003ம் ஆண்டு அஜீத்தின் ஆஞ்சநேயா மற்றும் விஜய்யின் திருமலை ஆகிய படங்கள் ஒரே நாளில் தீபாவளி அன்று ரிலீஸாகின. இந்த இரண்டு படங்களிலும் ஸ்டண்ட் மாஸ்டர் பீட்டர் ஹெய்னிடம் துணை மாஸ்டராக பணிபுரிந்தேன். தற்போது 10 ஆண்டுகள் கழித்து நான் ஸ்டண்ட் மாஸ்டராக பணியாற்றியுள்ள அஜீத்தின் வீரம், விஜய்யின் ஜில்லா ஆகிய படங்கள் பெங்கல் அன்று ரிலீஸ் ஆகின்றன. இந்த இரண்டு படங்களுக்கும் நான் ஸ்டண்ட் மாஸ்டராக இருந்துள்ளது மகிழ்ச்சி அளிக்கிறது என்றார்.
No comments:
Post a Comment